Nú til dags er ekki hægt að komast um borð í flugvél án þess að ganga í gegn um hin og þessi hlið og fylgja hinum og þessum reglum um s.k. öryggisgæslu.
Alþjóða samfélagið minnkar hægt og rólega rétt ferðamanna til að ferðast. Fyrst var bannað að hafa fleiri en tvær töskur í handfarangri. Næst var bannað að hafa með sér vatn í brúsa. Svo hafa bretar nýlega tekið upp á því að leyfa manni einungis að hafa með sér einn handfarangur í flug sem fara frá Bretlandi (það er þú í lagi að hafa með sér 2 töskur í flugum til Bretlands enn). Einnig er orðið nauðsinlegt að viðra táfýluna sína í öryggishliðinu. Ekki má vera í jakka í gegnum öryggishliðið heldur.
Allt þetta, og mikið meira til, er hannað til að auka öryggi okkar, hins almenna ferðalangs. Mikið af þessum hömlum koma sem svar við ógn um hryðjuverk um borð í flugvélum.
1) Undirritaður spyr sig hvursu langt hægt er að ganga í að fjarlægja frelsi manns í þeim tilgangi að varðveita þetta sama frelsi áður en téð frelsi er allt glatað.
2) Undirritaður spyr sig hvort eitthvert raunverulegt öryggi hljótist af þessari valdaleikfimi stjórnvalda.
Undirritaður svarar ofangreindum spurningum sínum á einfaldan máta:
Fari öyggisgæsla á flugvöllum í rassgat. Það er komið nóg!
1) Ef ég er látinn fara úr skónum á leið inn í flugvél er bara tímaspursmál hvunær ég verð gegnumlýstur og/eða látinn berhátta mig. Þegar það er svo komið í gagnið er bara eftir að setja upp gúmmíhanskann.
2) Ef einhvur ætlar að framkvæma hryðjuverk gerir hann það, öll heimskuleg lög og öryggisreglugerðir heimsins koma ekki í veg fyrir það. Ef eitthvað verða hryðjuverkin betur úthugsuð (sem ég get ekki ímyndað mér að sé jákvætt)
Það lítur út fyrir að hryðjuverkamenn hafi unnið þann "níunda nóvember" 2001 með glæsibrag.
Gerast áskrifandi að:
Birta ummæli (Atom)
2 ummæli:
Ef ég hefði hug á að drepa fólk, myndi ég gera það í kringlunni á laugardegi. Nokkrar sprengjur á lykilstöðum hér og þar í byggingunni, og þú stútar örugglega fleira fólki en nokkurn tíma í flugvél. Og ég tala nú ekki um þann ávinning sem hlýst af fyrir eðlilegt fólk þegar kaupótt pakk hættir að taka yfirdrátt á ofurvöxtum svo það geti farið í kringluna.
Sæll Nonni minn og velkominn heim! Ég varð bara að kommaenta á þetta því öryggisgæsla á flugvöllum er heldur betur búin að fara í taugarnar á mér þennan vetur í USA. Hér þurfa menn ekki aðeins að fara úr skóm og jökkum heldur þurfa margir (ef ekki allir) útlendingar að fara í gegnum alveg sérstaka skoðun á handfarangri og má maður bara þakka fyrir ef það er "bara" handfarangurinn sem þeir vilja skoða! Svo hefur maður lent í alls kyns undarlegum tækjum eins og sprengjuleitarklefum og ég veit ekki hvað! Urrr...!
Skrifa ummæli